Природниот гас на европските берзи денеска се продава за цена од 1.950 1.000 кубни метри, за прв пат од 14 јули, а поскапувањето е причинето од несигурните испораки преку гасоводот Северен тек 1 од Русија, покажуваат податоците на лондонската берза ICE.
Гасот за испорака во август е договорен во центарот ТТФ во Холандија по цена од 1.929 долари за илјада кубни метри или 182,5 евра за мегават-час (MWh).
Целокупното поскапување на гасотво Европа претходно достигна 12 отсто на дневна основа, поради најавата на Гаспром за исклучување на уште еден мотор со гасна турбина на компресорската станица во Портоваја.
Поради прекин на работата на уште една турбина, протокот на гас преку Северен тек 1 ќе се преполови од 27 јули на 33 милиони кубни метри дневно од сегашните 67 милиони кубни метри, додава руската агенција.
