Министерката за еколошка транзиција и вицепремиерка на Шпанија, Тереза Рибера, денеска изјави дека нејзината земја го отфрла планот на ЕУ за заштеда на гас. Според тој план, земјите-членки на Европската унија до пролет треба да ја намалат потрошувачката на гас за 15 отсто, пишува Б92.
– Ние ги браниме европските вредности, но не можеме да прифатиме жртва за која претходно не ни побараа мислење – рече Рибера, додавајќи дека предлогот „не е неизбежен и најефикасен, ниту најправеден“.
Шпанската министерка инсистираше на тоа дека „што и да се случи“ шпанските семејства нема да мора „да трпат ограничувања за гас или електрична енергија“.
