Данило Давидов, 22-горишен Русин, ја напуштил Русија неколку недели откако Кремљ испрати трупи во Украина, бидејќи се плашел дека ќе мора да се бори во војна што не ја поддржува, пишува Ројтерс. Тој е еден од многумината млади кои се исплашени дека ќе бидат мобилизирани.
– Не сакав да одам во војна или во затвор, па решив да заминам (од Санкт Петербург) – изјави Давидов за Ројтерс од Казахстан, каде што рече дека моментално работи.
Некои млади мажи ја напуштаат земјата, додека други бараат совет за тоа како да бидат исклучени од мобилизација во војската. Некои едноставно ги игнорираат покраиате со надеж дека властите нема да ги следат. Така велат интервјуата на седум мажи и на пет адвокати кои ги застапуваат.
Младите се соочуват со парични казни или две години затвор. Во Русија воената служба е задолжителна за младите мажи на возраст од 18 до 27 години. Еден маж изјави дека одбивањето да се бори довело до кавги во членовите на неговото семејство кое верува дека служењето војска е негова должност.
Давидов рече дека успеал да се симне од воениот рок и да ја напушти земјата бидејќи имал понуда за работа во странство. Тој сака да се врати дома еден ден, но жали дека тоа можеби нема да биде наскоро.
– Ја сакам Русија и многу ми недостига – изјавил Давидов.
Кремљ упати прашања до руското Министерство за одбрана, кое не одговори на барањето за коментар за тоа колку е раширено избегнувањето на војската и дали тоа влијае на функцијата на руските вооружени сили. Министерството, на својата веб-страница, вели дека „службата во армијата и морнарицата е чесна должност на рускиот граѓанин што дава значителни предности во иднина“.
