Шпанска Барселона упати официјална понуда до Баерн за полскиот напаѓач Роберт Левандовски (33), потврди претседателот на каталонскиот клуб, Жоан Лапорта.
Испративме понуда, се надеваме дека ќе биде позитивна, но сега чекаме одговор“, изјави Лапорта на новинарите при претставувањето на Андреас Кристенсен како нов играч на Барселона.
Дел од шпанските медиуми пренесуваат дека Барселона на Баерн му понудила 40 милиони евра, и бонус од пет милиони евра.
Левандовски пристигна во Баерн во 2014 година од Борусија Дортмунд и постигна 344 гола на 375 натпревари.
Во дресот на баварскиот клуб, 33-годишниот полски напаѓач освои 19 трофеи, а неговиот договор трае уште една сезона.
