Оружјето што САД и нивните сојузници продолжуваат да ѝ го испраќаат на Украина нема да имаат влијание врз исходот од тековната воена операција на Русија, изјави секретарот на Советот за национална безбедност Николај Патрушев на состанокот во вторникот. Тој е познат во јавноста и како близок човек на Путин и можен негов наследник.
– Целите на Русија ќе бидат постигнати и покрај тоа што САД и Западот обезбедуваат воена помош за Украина – рече Патрушев, кој порано ја предводеше домашната безбедносна служба на земјата, ФСБ, на состанокот за национална безбедност во рускиот сибирски град Хабаровск.
Патрушев рече дека операцијата е поттикната од цела низа закани што случувањата во Украина „ја претставуваат не само за безбедноста на Русија, туку и за целиот свет“. Секретарот на Советот за безбедност ги идентификуваше ширењето на неонацистичката идеологија и украинските биолошки лаборатории поврзани со Пентагон како примери за такви закани.
Рускиот претседател Владимир Путин претходно изјави дека операцијата е започната за да се „демилитаризира“ Украина и, исто така, да се заштитат луѓето од Народните републики Доњецк и Луганск, чија независност Русија ја призна во февруари. Русија не остана без други опции за ставање крај на долгогодишното крвопролевање во Донбас, рече претседателот во март, помалку од еден месец од почетокот на воената акција.
На крајот на јуни, Путин рече дека целите на Русија во Украина не се променети. Конечната цел е „да се ослободи Донбас, да се заштитат овие луѓе и да се создадат услови кои ќе ја гарантираат безбедноста на самата Русија. Тоа е тоа“ , рече тој во Ашхабат, Туркменистан, за време на неговото прво патување во странство од февруари.
На 3 јули, рускиот министер за одбрана Сергеј Шојгу објави дека руските сили и милициите од Донбас презеле контрола над целата територија на Народна Република Луганск.
