Потпретседателот на ВМРО-ДПМНЕ, Александар Николоски, порача дека би сакал да го поддржи извештајот што беше презентиран денеска, но самиот потенцира дека голем број на предизвици се пред нас, алудирајќи на ветото од Бугарија и европскиот предлог за негово кревање.
– Како што можеби знаете, имаше голема еврејска заедница во Скопје, како и во Македонија во целост, но за жал за време на Втората светска војна, главно, повеќето од луѓето што живееја во Скопје всушност над 90% беа депортирани во Треблинка во тоа време, во логорите на смртта, а сега има мала заедница. Но, изградивме Музеј на Холокаустот, еден од ретките што ги има во Европа, во самиот центар на градот каде што сакаме да им оддадеме комеморација на жртвите. Една друга работа која сакам да ја поврзам со тоа, но и со сегашните времиња. Сите знаеме дека Македонија има огромен проблем со Бугарија околу започнувањето на пристапните преговори со Европската унија. Едно од клучните прашања со кои се соочуваме е поврзано со историјата, но и со негирањето за бугарската држава за време на Втората светска војна, тие беа тие што го окупираа денешна Македонија. Тие беа оние кои за жал го организираа ова протерување на еврејската заедница и тие беа оние кои ги испратија во Треблинка – вели Николоски.
Тој вели дека нна што бараме од нив е тие да го одбележат и да признаат дека тоа се случило.
– За жал, она што го гледаме е целосно негирање и со употреба на силата на членството во Европската Унија нè присилува да ја смениме историјата на таков начин за да ги отвориме пристапните преговори. Верувале или не, она што од нас се бара е да ја смениме историјата, да го смениме идентитетот на земјата, на нацијата, дури и да преговараме за јазикот, само да ги започнеме пристапните преговори со Европската Унија, користејќи го нивното членство во ЕУ да ја препишат историјата повеќе, би рекол учтиво за нив, но начин на кој е целосно лажен, кој не е вистина и е против историјата и е против она што се случи за време на Втората светска војна – вели Николоски.
Тој побара од Бугарија да го промени своето однесување и да дозволи отворање на пристапните преговори, порачувајќи им на тамошните власти и да се соочат со реалноста, да се соочат со нивниот историски проблем, но и да се соочат со историјата каква што е и да се соочат дека постои нација која постои до нивната граница што се нарекува македонска нација и држава што е македонска.
– Само со прифаќање на заедничките вредности можеме да одиме понатаму и чекорот којшто може да го направи бугарскиот премиер за да дојде во музејот на холокаустот во Скопје и да побара една голема прошка од жртвите – додаде потпретседателот на ВМРО-ДПМНЕ.
