Украински проектили денеска погодија брод-влекач на руската морнарица на пат кон Змискиот остров, тврди гувернерот на областа Одеса, Максим Марченко, пренесува Б92. Веста уште не ја потврдија западните медиуми.
Министерството за одбрана на Украина на Твитер објави дека се работи за бродот „Василиј Бег“ кој носел муниција и персонал, а сега е „демилитаризиран“.
Змискиот остров се наоѓа јужно од регионот Одеса и е под руска контрола. Жестоки борби се водат околу островот на крајниот запад на Црното Море уште од почетокот на војната.
