Украина објави детали за изградбата на рускиот мост преку Керченскиот теснец до Крим, што укажува на закана дека ќе го таргетира тој клучен пат до полуостровот анектиран од Русија во 2014 година.
Според него, украинската воена разузнавачка служба објавила официјални руски податоци за изградба на мостот, иако не било можно веднаш да се утврди автентичноста на документот од речиси 300 страници.
Документот беше објавен еден ден откако украинскиот генерал Дмитриј Марченко рече дека мостот ќе биде „цел број еден“ доколку Киев го добие потребното оружје.
Генералот Марченко рече дека Москва го користела мостот за транспорт на материјали за Крим и јужна Украина.
Изградбата на 18-километарскиот мост чинеше милијарди, а од 2018 година го поврзува Крим со руското копно.
Портпаролот на руската влада Дмитриј Песков изјави дека се преземени сите мерки на претпазливост за да се обезбеди безбедноста на Крим. Тој додаде дека Кремљ е свесен за најновите закани на Киев дека ќе го удри мостот.
Москва се закани дека ќе го бомбардира Киев доколку мостот биде нападнат.
Министерот за надворешни работи Сергеј Лавров рече дека заканата на Марченко е во спротивност со ветувањата на украинскиот претседател Володимир Зеленски до западните партнери дека нема да користи оружје со долг дострел за да ја нападне руската територија.
Украинскиот претседател Володимир Зеленски во видео порака објавена во понеделникот во Киев вети „Се разбира, ние ќе го ослободиме нашиот Крим“.
Руската армија го окупираше полуостровот на Црното Море во 2014 година, кога Украина беше ранлива на промена на власта и не можеше да одолее. После тоа се одржа меѓународно непризнаен референдум и Крим беше припоен кон Русија.
