Анкара сѐ уште останува на ставот дека не го поддржува влезот на Шведска и Финска во НАТО, изјави денеска турскиот претседател Реџеп Таип Ердоган на прес-конференција по разговорот со венецуелскиот претседател Николас Мадуро.
– Шведската телевизија емитуваше интервјуа со водачите на терористичките групи. По ова не можеме да кажеме дека се добредојдени во НАТО. Истото важи и за Финска – истакна турскиот претседател, пренесува ТАСС.
