Овогодинешната српска претставничка на Евровизија, Констракта, на само една недела од настапот во Торино донесе неочекувана одлука.
Ана Ѓуриќ го освои петтото место во Европа, но таквиот успех не ја предомисли да донесе одлука да се повлече од јавноста на одредено време.
Таа соопшти дека потребен ѝ е мир и време за да собере енергија за нови потфати.
– Сѐ ќе се среди и ќе си дојде на свое место. Мислам дека заслужив мир, иако знам дека оваа приказна треба да се заокружи. Треба да дишам малку. Тука сум, не одам никаде, но ми треба пауза. Уметникот станува невидлив – изјави Ана Ѓуриќ за „Стори“.
