Кога одржувањето на автомобилот е тема, едно од најчестите прашања што си ги поставуваме е: дали можеме сами да го направиме тоа? Заштедата е императив денес, па со помош на Google стануваме лимари, електричари и механичари.
Многумина од нас ќе бидат подготвени да почнат да поправаат помали оштетувања на бојата и лакот на возилата, но понекогаш ќе направиме грешки. Понекогаш полирањето ќе реши помали проблеми, а понекогаш не. Има многу совети за домашни решенија, а за поправка на боја и лакови се користат паста за заби и лак за нокти. Но, дали треба да се користат или има повеќе штети отколку корист?
Пастата за заби содржи ситни честички кои може да се користат за затворање на погодените области на боја – барем за мали гребнатини. Германскиот автомобилски клуб ADAC не советува употреба на паста за заби при гребнатини на автомобилот. Ако честичките во пастата се премногу абразивни, тие само дополнително ќе го оштетат лакот. Пастата ќе се измие многу брзо, така што ова е уште една причина да не ја користите. Пастата за заби е добра за чистење на фаровите или бандажите, но не одете подалеку од тоа.
Лакот за нокти исто така не е добра идеја. Тешко е да се најде вистинската нијанса на боја која ќе одговара на бојата на вашето возило, а на повисоки температури во лето лакот ќе се распадне.
Затоа, придржувајте се до докажаните решенија како боја за автомобили, комплети за поправка и пенкала за поправка, за големи штети, пишува ХАК Магазин.
