Во утринските часови со магла и лош квалитет на воздухот, особено во урбаните и индустриските зони, во делот на фреквентните сообраќајници и каде има повеќе индивидуални камини. Маглата утрово ја намалува видливоста на 100-500 метри.
Циклонот помина над Србија и тргна на исток, оставајќи зад себе студена и влажна воздушна маса. Во останатиот дел од денот ќе биде претежно облачно, студено, на места со слаб дожд, а на планинските подрачја снег. Ветер слаб до умерен северен и северозападен. Температурата денеска не е значително променета во однос на утринските вредности. Во интервал од 4 степени на север до 7-8 на југоисток. Леден ден на планините – температурата останува под нулата.
Облачно време со врнежи од дожд очекуваме и во четврток. Температура слична на денешната, претежно околу 5 степени. Во петок времето ќе се разведри, па во петок и сабота ќе има сончеви часови. Нема да трае долго, од недела и почетокот на следната недела повторно ќе биде облачно, со врнежи од дожд, лапавица и снег.
