Актерот познат по улогите во „Династија“ и „Денови на нашите животи“ Вејн Нортроп починал во петокот на 29 ноември на 77-годишна возраст.
Тажната вест ја потврди неговата публицистка Синтија Снајдер, која рече дека Нортроп починал во домот за филм и телевизија во Вудленд Хилс, дом за помош на оние што се во филмската индустрија.
Телевизискиот актер шест години се бореше со Алцхајмеровата болест. Сопругата на Нортроп, Лин Херинг Нортроп, издаде соопштение во кое рече:
„Тој го издиша својот последен во прегратките на своето семејство. Сакаме да им се заблагодариме на најгрижливите и најневеројатното место, „Моушн пикчр енд телевижн хоум“ за толку големата грижа за него. Вејн допре многу луѓе со својата смисла за хумор и духовитост. Сопруг веќе 43 години, најдобар татко на своите два сина, Хенк и Грејди, и ранчер кој ги сакаше своите крави и беше пријател на многумина“.
Нортроп славно го играше детективот Роман Брејди во „Деновите на нашите животи“ од 1981 до 1984 година, а потоа од 1991 до 1994 година. Нортроп се проби во филмската индустрија во доцните 1970-ти, почнувајќи со појавување во улоги во сериите како „Барета“ и „Волтонс“. Тој ја доби својот голем успеџ во 1981 година, појавувајќи се во „Династија“, како Мајкл Кулхајн, возачот на Блејк Карингтон.
