Руската противвоздушна одбрана собори две британски крстосувачки ракети „Сторм шедоу“ (Storm Shadow), соопшти денеска руското Министерство за одбрана во редовниот воен извештај.
„Системите за противвоздушна одбрана соборија две крстосувачки ракети „Storm Shadow“ од британско производство, шест ракети ХИМАРС од американско производство, како и 67 беспилотни летала од авионски тип“, се вели во соопштението.
Британските медиуми вчера јавија дека Украина првпат истрелала проектили „Сторм шедоу“ доставени од Велика Британија кон Русија, откако Киев доби зелено светло од Лондон за употреба на тој вид оружје.
