Поради снегот денеска беа затворени училиштата во многу делови на Велика Британија, а прекинато е и патувањето со воз.
Британската метеоролошка служба издаде предупредувања за снег и мраз бидејќи „арктичката воздушна маса се шири кон југ“.
Може да има и прекини во електричната енергија, а руралните средини да бидат исклучени поради лошите временски услови“, се предупредува во соопштението.
Од Метеоролошкиот завод најавија дека околу пет сантиметри снег ќе зафатат повеќе делови од земјава, а на планините се очекуваат и до 20 сантиметри.
Околу 200 училишта низ Велика Британија беа затворени, а на илјадници патници им беше скратено патувањето бидејќи десетици железнички линии беа затворени или возовите доцнеа поради снегот на шините.
Во Шкотска поради замрзнати патишта се преврте автобус, но нема повредени.
Во поголемиот дел од Велика Британија температурата е под нулата.
Агенцијата за здравствена безбедност го издаде своето прво предупредување за студено здравје во сезоната, велејќи дека условите може да бидат опасни за постарите луѓе.
