На социјалните мрежи се појави видео од легендарниот холивудски актер Чак Норис, кој во кратката снимка му се обраќа на популарниот босански рапер Јала Брат и му го честита роденденот.
Како што можете да видите, Чак Норис му се обраќа на босанскиот рапер Јала Брат и му вели дека верува дека еден ден и ќе се запознаат.
– Здраво Јала. Армен и јас сакаме да ти го честитаме роденденот. Благодарам што си мој голем обожавател. Се надевам дека ќе се запознаеме еден ден – вели Норис во видеото.
Норис потоа го споменува и Сараево и го поздравува со зборовите „твојот пријател, Чак Норис“, но и работата на раперот.
– Запознаен сум со тебе и со твојата работа и продолжи со твојата голема работа – напоменува Чак.
Веднаш под видеото кое беше објавено, почнаа шпекулациите дека се работи за вештачка интелигенција и дека е наместено, односно лажирано, сепак не е.
Додека некои, пак, тврдат дека Чак Норис за оваа честитка добил 500 долари, преку апликација која се користи за тоа.
„Ова е вештачка интелигенција“, напишал еден од корисниците, на што друг додал: „не е, туку е камео, можеш да му платиш на Чак Норис да каже нешто…“
