Двајца инфлуенсери загинаа бидејќи одбиле да носат елеци за спасување кога потона јахта кај брегот на Бразил. Причината е многу бизарна – не сакале безбедносната опрема да им ја уништи кожата на фотографиите, известила полицијата, пренесува New York Post.
Алин Тамара де Аморим (37) и Беатрис Таварес да Силва Фариа (27) ги игнорираа молбите да облечат елеци за спасување кога преполниот брод што ги враќаше на брегот од забава на јахта се преврте во водите на реката Игуазу.
„Некои не сакаа да ги стават појасите бидејќи правеа селфи“, рече началникот на полицијата во Сао Винсенте, Маркос Александра Алфино, врз основа на сведочењето на капетанот на бродот.
Гостите биле на забава на јахтата пред несреќата на 29 септември. Бродот, кој бил наменет за најмногу пет лица, требало да врати седум на брегот. Возачот на бродот, наводно, ги исполнил барањата на патниците да ги врати на брегот. Силен бран удрил во преоптоварен брод и го превртел, соопшти полицијата.
Набргу по несреќата започна спасувачката операција. Безживотното тело на една од двете жени било извлечено од морето од страна на бразилската крајбрежна стража. Второто тело беше откриено неколку дена подоцна на плажата во Итакитандуа. Несреќата ја преживеаја капитенот и уште четворица патници.
Полицијата истражува дали преоптоварувањето на бродот и непочитувањето на безбедносните прописи придонеле за смртта на жените.
– Внимателно го испитуваме случајот за да утврдиме дали несреќата е предизвикана од невнимание или човечка грешка – изјави полицискиот истражител Маркос Александре Алфино.
„Гарганта до Диабо“ (Ѓаволски вилици) е дел од брегот познат по силните струи и непредвидливите услови. Преоптоварувањето на чамецот исто така се смета за критичен фактор во несреќата.
