Најчесто цвета на пролет, но во Крагуевац јоргованот повторно процвета кон крајот на октомври.
Сончевите денови во октомври предизвикаа повторно да процветаат виолетови, миризливи цветови од јоргованот во Ботаничката градина во Крагуевац, пишува РТС.
Според народното верување, кога јоргованот процвета кога не е време – тоа значи дека зимата ќе биде долга и студена.
Кога станува збор за симболиката на цвеќето, јоргованот го има значењето на радост и младост.
Припаѓа на семејството на маслинки и датира од терциерниот геолошки период.
Виолетова често се поврзува со кралското семејство. Од љубов кон француската принцеза Јелена од Анжу, српскиот крал Урош Први засадил јоргован во Ибарската долина.
Легендата вели дека тој го направил ова со цел да ги скроти и разубави карпите на долината, што ќе ја потсети кралицата на нејзината родна Прованса.
