Првиот човек на Слобода превоз, Ленин Јовановски на неговиот Фејсбук профил вели дека имал можност да има увид во потпишаниот договор за Јавно приватно партнерство помеѓу Градот Белград – Секретаријат за јавен превоз и приватните превозници кој може да биде и добра основа за подобар јавен градски превоз и за Скопје.
„На разговори и преглед на функционирањето на Јавниот превоз во Белград каде имав можност да имам увид во потпишаниот договорот за Јавно приватно партнерство помеѓу Град Београд – Секретаријат за јавен превоз и приватните превозници кој може да биде и добра основа за подобар Јавен градски превоз и во нашево Скопје. Меѓу другото во Белград договорена средба и пружена рака за соработка и со Тарик Озелер директор за извоз на фабриката за автобуси ‘Bristish Motor Corporation’ (BMC) моментално присутни во Белград со 170 автобуси во ГСП кои се набавени дел 2019, дел 2022 и сега во 2024 со што ќе бидат веќе 270 автобуси. ‘BMC’ кај приватните превозници е застепен со 200 автобуси од кои 150 се купени оваа година“, напиша Јовановски
Тој додаде дека добра вест е што градот Белград планира да донира автобуси од марката „Соларис“.
„Добра вест е она што е постаро од ‘Соларис’ автобусите очекуваме да се донира во Скопје. Инаку нови 6 автобуси од ‘BMC’ со мотиви од Град Скопје ќе добие и ЈСП Скопје за празникот ’13 ноември’ благодaрение на ‘UNOB’ (United Nation office in Belgrade). Работиме посветено про боно за Скопје од желба и за инат на сите тие што не знаат како да работат и оние што не сакаат да работат , а платени се за тоа. Ете кој колку може во целава лакрдија со јадниов превоз во Скопје“, потенцираше Јовановски.
