Бројот на загинати во поплавите и свлечиштата на Филипините по тропската бура Трами се искачи на 65.
Илјадници луѓе останаа блокирани, а некои чекаа помош на своите покриви откако невремето го зафати северозападниот дел на земјата.
Невремето сега се движи кон Виетнам со брзина од 25 километри на час.
Синоптичарите, сепак, предупредија дека опасноста не е завршена и дека невремето најверојатно ќе се врати во текот на следната недела, бидејќи беше поттикнато од ветровите со висок притисок во Јужното Кинеско Море.
Единаесет лица се водат како исчезнати. Повеќето од жртвите биле во регионот Бигол, позната туристичка дестинација југоисточно од Манила.
Иако не прерасна во тајфун, невремето донесе силен дожд, а во некои региони паѓаше месечно количество дожд за само 24 часа.
Повеќе од 2,6 милиони луѓе беа погодени од поплавите, а речиси 320.000 луѓе побегнаа во центрите за евакуација или да останат кај роднините, соопштија властите.
Училиштата и институциите се затворени на островот Лузон. Во прекин е и фериботот.
Во Виетнам метеоролозите предупредија на обилни дождови. Тајфунот Јаги ја погоди земјата минатиот месец, убивајќи 323 луѓе и предизвикајќи штета вредна 3,3 милијарди долари, според виетнамската влада.
Секоја година, околу 20 бури и тајфуни ги погодуваат Филипините, архипелаг во Југоисточна Азија помеѓу Тихиот Океан и Јужното Кинеско Море.
