Свршеница на фудбалерот Кристијано Роналдо, Георгина Родригез, проговори откако ја напушти болницата во која поминала четири дена и открила што се случило.
„Конечно дома. Поминав четири дена во болница поради воспаление на белите дробови. Подобро сум, но сè уште закрепнувам, дома сум со моето семејство. Морам да им се заблагодарам на персоналот, лекарите, медицинските сестри и на сите во болницата. Прекрасно се грижеа за мене и многу сум им благодарна поради тоа. Ви благодарам“, порачила Георгина со фотографија од болницата во Саудиска Арабија.
Инаку, Роналдо игра за Ал Наср во Саудиска Арабија и живее таму со своето семејство. Целото семејство учествува во промоцијата на таа земја. Тие неодамна го промовираа проектот Црвено Море кое се наоѓа помеѓу градовите Умлуј и Ал Ваџ на западниот брег на Саудиска Арабија. Тоа е дел од стратегијата на Саудиска Арабија Визија 2030, која има за цел да ја диверзифицира економијата на земјата и да ја намали зависноста од нафта преку развој на туристичкиот сектор.
