Претседателката Гордана Сиљановска Давкова помилува десет осуденици, a решенијата се објавени во Службен весник“.
На тројца од нив казната затвор им се заменува со условна казна во траење од три години. За седум лица делумно се ослободуваат од издржување на останатиот дел од казните.
Извршувањето на изречената казна се заменува со условна казна за време од три години за осудените лица: Акиф Равмановски од село Арачиново во траење од една година и три месеци, за Никола Трпчески од Охрид во времетраење од една година, и Шенол Маслани од Арачиново, во траење од шест месеци.
Делумно се ослободуваат од понатамошно извршување на неиздржаниот дел од казната затвор осудените лица: Мухарем Али од Скопје во трање од 2 месеци, Тодор Попов од село Миравци и Томислав Симеонов од Скопје во траење од три месеци, Перо Кузмановски од Градско и Живко Делиџаков од село Богородица во трање од три месеци, ексградоначалникот на Битола, Владимир Талески во траење од една година, и Марјан Ефремов од Скопје, кој беше првообвинет во аферата „Шпион“, во период од три месеци.
