Либанската милитантна група Хезболах соопшти дека истрелаа ракети во северен Израел, при што цели биле базата на израелската разузнавачка служба во Глилот во близина на Тел Авив и „поморската база“ во близина на Хаифа.
Израелската армија објави дека биле истрелани пет ракети кон централниот дел на Израел и уште 15 на северот на земјата.
Според израелските одбранбени сили (ИДФ), некои од ракетите биле пресретнати, додека други погодиле отворени области.
Засега не се знае дали има жртви во овој напад.
По претходните предупредувања во Хаифа, Акре и околните области, ИД објави дека израелските воздухопловни сили идентификувале и пресретнале 5 проектили истрелани од Либан.
Друга воздушна цел беше истрелана од Либан во северниот дел на Голан, додаде ИД, и беше следена од израелските воздухопловни сили додека не падна на отворен простор во Израел, без да предизвика повредени.
