Српскиот тениски ас Новак Ѓоковиќ не успеа да го крене пехарот во Шангај и да стигне до 100-та титула во кариерата. Во финалето загуби од Јаник Синер (7:6, 6:3). Италијанецот уште еднаш покажа зошто е рекет број еден во светот, а мечот од трибините го следеа Роџер Федерер и Карлос Алкараз.
Кога го доби пехарот што му припаѓа на финалистот, Новак застана пред микрофонот и му се обрати на својот голем ривал.
– Исто така, убаво е да се види Роџер. Не сум навикнат да те гледам на трибините, би сакал да си тука на теренот и да можеме да играме – започна Новак, на што Федерер одговори со насмевки и кимна со главата.
Потоа се пошегува со него.
– Веројатно е прв пат да играм пред вас, па имав дополнителен притисок. Навистина е одлично што бевте тука, Алкараз како и Фереро. Ви благодариме што сте тука – изјави Ѓоковиќ.
