Морничави сателитски радарски снимки од ураганот Милтон, кој имаше форма на череп, станаа вирални на социјалните мрежи пред самата бура.
Сту Остро, виш метеоролог на The Weather Channel, објави фотографии една до друга од застрашувачките лица на ураганот Метју во 2016 година, кој беше еден од најразорните урагани и однесе стотици животи, и ураганот Милтон, кој ја опустоши Флорида.
„Оригиналното лице на черепот на Метју 2016 и Милтон вечерва. И двете се бури „М“. Интересно е што интензивните урагани можат да фаворизираат таква структура“, напиша Остро, а неговата објава доби огромен број прегледи.
„Имаме череп. Ова е шокантна слика. Добив морници. За ураганот Милтон ќе се зборува долго, долго“ напиша друг корисник на Х кој ја сподели сателитската снимка.
Ураганот Милтон исчезна вчера во Атлантикот откако направи разорна патека низ Флорида, предизвикувајќи торнада, убивајќи најмалку 16 луѓе и остави милиони без струја.
Иако невремето не ја предизвика катастрофалната плима што беше предвидена, гувернерот Рон Де Сантис рече дека државата го избегнала „најлошото можно сценарио“, но дека штетата е сепак значителна. Областа на заливот Тампа се чини дека го избегна најлошото невреме.
