Најмалку 25 Палестинци, меѓу кои 5 деца и 2 жени, се убиени во израелските воздушни напади врз централна Газа додека војниците „систематски работат на празнење“ на северот, погоден од војна, пишува Ал Џазира.
Медицински извори за Ал Џазира, пак, тврдат дека 43 Палестинци во Газа биле убиени во нападите на Израел денеска.
Израел ги проширува нападите врз јужен Либан и ги напаѓа јужните предградија на Бејрут додека либанската вооружена група Хезболах започнува серија ракетни напади врз северен Израел.
Жителите бегаат од едно во друго соседство по повеќедневната опсада на израелската армија во северниот дел на бегалскиот камп Џабалија со болници преплавени од мртви и од ранети.
Во Газа, најмалку 41.965 луѓе се убиени, а 97.590 се ранети во израелските напади од октомври 2023 година. Во Израел, најмалку 1.139 луѓе загинаа во нападите предводени од Хамас на 7 октомври, а повеќе од 200 луѓе беа заробени.
