Годишниот метеорски дожд Драконид ќе биде видлив до 10 октомври на северната хемисфера, а врвот ќе го достигне вечерта на 8 октомври.
Метеорски дожд се појавува кога Земјата минува низ остатоците од комета или астероид. Отпадоците, обично делови од карпи или мраз, ја погодуваат Земјината атмосфера и согоруваат поради триење, оставајќи ленти на светлина низ ноќното небо.
Нивното име доаѓа од соѕвездието Змеј (Драко), а потекнуваат од остатоци од кометата 21P/Giacobini-Zinner, пишува Би-Би-Си.
Најголемата пречка за спектакуларна ноќ на гледање метеори се, секако, облаците, а може да ги има во многу вечерта на 8 октомври.
Иако среда не е врв, таа конкретна ноќ би можела да биде поповолна за набљудување бидејќи ќе биде посветла.
Доколку времето дозволи, Драконидите најдобро се гледаат навечер, кога соѕвездието Змеј е високо на северното небо.
Најдете темно место подалеку од градските светла, а потоа ќе бидат потребни околу 15 минути за вашите очи да се прилагодат на темнината. Погледнете на север за да го видите овој метеорски дожд, а добрата вест е дека нема да ви требаат двоглед или телескоп за да го видите овој небесен спектакл, бидејќи Драконидите ќе бидат видливи со голо око.
Доколку ги пропуштите овие денови, не грижете се, наскоро ќе имате уште една шанса за небесен спектакл бидејќи Орионидите треба да го красат нашето небо на 21 и 22 октомври.
