Додека истрагата за случајот против музичарот Шон Диди Комбс, паднатиот хип-хоп магнат, попознат по псевдонимот Паф Деди и Пи Диди, продолжува, и музичката индустрија и Холивуд молчат за обвиненијата против него.
Веќе ги има десетици, а се работи за наводи за силување, сексуална злоупотреба, сексуална трговија, рекетирање, дрогирање луѓе за сексуална експлоатација, а една од пријавите се однесува на случај во кој жртвата имала девет години.
Иако сите беа многу гласни фалејќи ги забавите на Пи Диди Комбс, кои сега се испостави дека често завршувале со оргии во кои не сите знаеле што прават или се согласувале, актери, пејачи и моќни луѓе кои присуствувале на познатата „бела партии“ сега молчат.
Еден од оние чија реакција внимателно се чека е актерот и комичар Кевин Харт, кој со години е близок пријател на Комбс и еден од неговите редовни гости. Папараците го „бркаат“ од средината на септември, кога раперот беше уапсен во Њујорк, а пред неколку дена го прашаа дали се сеќава дека видел масло за бебиња кога ја организирал забавата на Диди.
„Кога јас бев домаќин? На погрешна личност му поставуваш погрешно прашање“, кратко прокоментирал актерот.
„Кевин е на работ и не зборува многу овие денови“, изјавил неодамна за „Дејли мејл“ извор близок на актерот.
Во меѓувреме, на социјалните мрежи се шири вознемирувачко видео создадено на една од споменатите забави, чија главна ѕвезда е Кевин Харт.
Станува збор за видео од 2010 година, на кое се гледа како холивудскиот актер добро се забавува, додека зад него во кадата седи девојка. Во еден момент, таа сфаќа дека косата ѝ е запалена, на што Харт „пука“ од смеење наместо да ѝ помогне.
