Американската Централна разузнавачка агенција (ЦИА) започна нова кампања за регрутирање информатори во Кина, Иран и Северна Кореја.
Тие објавија пораки на нивните профили на социјалните мрежи на мандарински, фарси и корејски, упатувајќи им на корисниците како безбедно да контактираат со агенцијата. Таа претходно регрутираше доушници по руската инвазија на Украина. ЦИА соопшти дека кампањата била успешна, пишува Би-Би-Си.
„Сакаме да се увериме дека поединците во другите авторитарни режими знаат дека сме отворени за бизнис“, рече портпаролот на ЦИА во соопштението.
Пораките за регрутирање – кои беа објавени на платформи како што се X, Facebook, YouTube, Instagram, Telegram и LinkedIn, како и на темната мрежа – бараа имиња на поединци, локација и информации за контакт.
Мејсон Ричи, вонреден професор по меѓународна политика на Универзитетот за странски студии Ханкук во Сеул, се прашува колку ќе биде успешна оваа кампања на ЦИА, бидејќи повеќето Севернокорејци немаат пристап до Интернет.
„Има многу луѓе кои имаат пристап до информации кои не се задоволни од режимот на Кси во Кина“, изјави за Блумберг заменик директорот на ЦИА Дејвид Коен.
Лиу Пенгју, портпарол на кинеската амбасада, рече дека САД водат „организирана и систематска“ кампања за дезинформација против Кина.
„САД сега се убедени дека не се само во серија билатерални конфликти со Кина и Русија, Иран и Северна Кореја – туку дека се во конфликт со блокот што се појавува. Што очигледно потсетува на Студената војна“, рече Ричи.
