Бритни Спирс (42) неодамна повторно стана активна на своите социјални мрежи, па реши со своите следбеници да ја сподели приказната како пред неколку месеци за малку ќе се запалила самата себе, пишува „Пејџ сикс“. Таа го сподели видеото во форма на приказна на Инстаграм, а зборуваше со британски акцент.
Како што раскажала пејачката, пред шест месеци решила сама да го запали каминот, а тој и „експлодирал“ в лице. Додала дека добила изгореници од втор и трет степен и ги изгубила трепките и веѓите.
– Бев во соба, го палев огнот и наеднаш ми експлодира во лице – се присетува пејачката (42) додека „зборува со британски акцент“:
– Бидејќи мојот камин го правеше тоа претходно, ќе го замоли обезбедувањето да дојде и да го запали. Но, овој пат, само ја фрлив целата работа и буквално ми се разнесе в лице.
Спирс вели дека пламенот бил толку силен што „личноста со која била во тој момент – се разбудила“.
– Моите трепки, веѓи и – ги гледате овие бебешки шишки? Ова е од… ми гореше цела коса – опишала таа.
Бритни била загрижена дека има изгореници од втор или трет степен и мислела дека ќе треба да оди во блница бидејќи лицето и било „како пламен“.
– Ме болеше да се допирам кога го држев телефонот. Ме болеше кога ставав мраз на лицето. Сè што допрев ме болеше. Ова се случуваше околу шест или седум часа… Болката не престана. Беше толку, толку, толку лошо – изјави Спирс.
На крајот, таа земала три лекови против болки за да може да заспие.
– Сега сѐ е во ред – заклучила таа.
По несреќата со каминот, лицето го изладила со мраз, а болките траеле седум часа, пишува „Пејџ сикс“.
– Ме болеше кога го допрев мобилниот. Ме болеше кога го ладев лицето со мраз. Ме болеше кога го допирав лицето со што било. Ова се случуваше шест-седум часа… Болката не помина. Беше многу, многу лошо – изјавила пејачката.
Минатата година музичарката случајно ја запалила својата домашна теретана со свеќи, а потоа изгорените останки ги покажала на Инстаграм.
– Ја поминав вратата од салата и пламенот, БУМ!!! – напишала Спирс во декември 2023 година:
– По Божја милост, алармот се вклучи после тоа и, „ипи ура“, никој не беше повреден. За жал, сега ми останаа само две парчиња опрема и еднострано огледало за теретана! Но, можеше да биде многу полошо, па затоа сум благодарна. Ама пст, сепак преферирам да вежбам надвор.
