Рускиот претседател Владимир Путин изјави дека Русија може да користи нуклеарно оружје доколку биде нападната од која било земја и дека секој конвенционален напад против Русија поддржан од нуклеарна сила ќе се смета за заеднички напад.
Отворајќи го состанокот на Советот за безбедност на Русија, во присуство на високи руски претставници, Путин рече дека се дадени предлози за промена на руската нуклеарна доктрина и рече дека би сакал да истакне една од клучните предложени промени.
– Се предлага агресија врз Русија, извршена од која било ненуклеарна држава, но со учество или поддршка на нуклеарна држава, да се смета како нивен заеднички напад врз Руската Федерација – истакна Путин iи додаде:
– Условите под кои Русија ќе премине на употреба на нуклеарно оружје се јасно фиксирани – додаде рускиот претседател.
Русија, исто така, го задржува правото да користи нуклеарно оружје доколку таа или Белорусија станат цел на агресија, вклучително и со конвенционално оружје, истакна Путин.
