Автомобил „пежо“, управуван од 20-годишник кој возел тројца малолетници, удрил во оградата на касарната „Мирче Ацев“ во Прилеп.
„На 22 септември 2024 година, во 23.40 часот, во ОВР Прилеп било пријавено дека на улица Васко Карангелески во Прилеп, патничко возило „пежо“ со прилепски регистарски ознаки, управувано од А.Г.(20) од Прилеп, удрило во оградата на касарната ‘Мирче Ацев’.
Во несреќата со тешки телесни повреди се здобил малолетен сопатник од Прилеп, а со телесни повреди се здобиле возачот и двајца други малолетни сопатници од Прилеп, констатирани во болницата во Прилеп, сите од Прилеп.
Извршен бил увид од увидна екипа од ОВР Прилеп“, соопшти Министерството за внатрешни работи.
