Култната југословенска комедија „Жика династија“ ќе добие продолжение! Новиот филм „Враќањето на династијата Жика“ започна со снимање во Белград, а неговата премиера е планирана за есента 2025 година.
„Враќањето на династијата Жика“ е во режија на Милан Коњевиќ, а по сценарио на Милена Марковиќ. Главната улога ќе ја толкува Никола Којо, а по повеќе од 30 години ќе го отелотвори ликот на Миша Павловиќ. Меѓу старите ликови, Весна Чипчиќ се враќа како Фрау Елса, а Владимир Петровиќ како Боба.
Синовите на Миша, кои одамна ги нема видено, доаѓаат во Србија од Москва, каде што живеат со Наташа. Но, кога ќе пристигнат, момчињата кои ги носат имињата на нивните прадедовци Жика и Милан, започнува нова луда година, полна со смеа, авантури и семејни вредности.
Правнуците на легендарните ликови ќе бидат во фокусот на новиот филм, а новиот Жика ќе биде Никола Брун, додека Милан ќе го игра Гаврило Иванковиќ. Една од главните улоги ќе ја толкува познатата манекенка и водителка Данијела Димитровска, на која оваа ќе и биде прва филмска улога.
Филмот се снима на локација во Белград, Панчево и Златибор. Премиерата е планирана за есента 2025 година.
– „Луда година“ е ново продолжение на познатата српска серија „Жикина династија“, но е и еден вид нов почеток, продолжување на приказната, освежување со нови ликови и заплети. Во центарот на приказната е внукот на Жика, Миша, повторно во интерпретација на Никола Којо. Сега тој е татко на две момчиња, од кои едното е на прагот на лудите години. Покрај тоа, Миша е човек кој и самиот е на одреден пресврт во животот и наскоро ќе се најде во центарот на голема, урнебесна авантура со своите синови – изјавил Милан Коњевиќ.
