Денеска нѐ очекува претежно сончево и многу топло со мала до умерена локална облачност. Ќе дува слаб ветер од променлив правец.
Минималните утрински температури ќе се движат од 12 во Берово до 22 во Гевгелија, а максималните дневни од 30 во Маврово и 39 Целзиусови степени во Гевгелија.
Во Скопје ќе биде сончево и топло со умерен северен ветер. Температурата ќе се движи од 18 до 38 степени.
В недела во земјава ќе биде сончево и топло со мала до умерена облачност и со слаб до умерен ветер од североисточен правец. Попладне и кон крајот на денот ќе има услови за локална појава на пороен дожд и грмежи.
Минималната температурата ќе се движи од 14 до 23 степени, до максимални 31 до 38 степени.
Слично време не очекува и на почетокот на новата работна недела, па во понеделник ќе биде сончево и топло со мала до умерена облачност и со слаб до умерен ветер од североисточен правец. Попладне и кон крајот на денот ќе има услови за локална појава на пороен дожд и грмежи.
Минималната температурата ќе се движи од 13 до 22 степени, до максимални 30 до 37 степени.
