Метеорскиот дожд Персеиди не го заобиколи Луксембург, кој во исто време беше домаќин на два природни феномени.
Заедно со метеорскиот дожд, кој годинава можеше да се види со голо око, синоќа жителите на оваа мала европска земја беа изненадени од поларната светлина.
Играта на светлата на небото ја забележаа граѓаните во централните и западните делови од земјава.
Персеидите можат да се видат на небото еднаш годишно низ целата планета, во јули или август.
Аурора бореалис, сепак, најчесто се гледа на северната хемисфера, иако во последните години повремено се појавува низ Европа.
Аурора бореалис беше видлива и од нашата земја во мај.
Видливоста на двата настани во исто време е ретка појава.
