Селин Дион протестира што Трамп ја употребува нејзината песна од филмот „Титаник“
Канадската мегаѕвезда Селин Дион вчера протестираше поради тоа што кампањата на републиканскиот кандидат Доналд Трамп неовластено го користи нејзиниот светски хит „My Heart Will Go On“ од познатиот филм „Титаник“.
Селин Дион и нејзината издавачка куќа, Sony Music Entertainment Canada, протестираа поради „неовластената употреба на видеото, музичкиот настап и сликата на Селин Дион како го пее хитот за време на предизборниот митинг за Доналд Трамп и неговиот кандидат за потпретседател Џеј Ди Венс во Монтана“ во петокот ноќе.
„Оваа употреба или било каква слична употреба не е ни одобрена од Селин Дион“, напиша нејзиниот тим на Инстаграм профилот на пејачката.
Дион, кој боледува од синдром на вкочанетост (СРС) и не пеела во живо од 2020 година, ја отвори Олимпијадата на 26 јули во Париз пеејќи ја „Химната на љубовта“ на Едит Пјаф од првиот кат на Ајфеловата кула.
„My Heart Will Go On“ е песна од филмот „Титаник“ на Џејмс Камерон од 1997 година, за прв пат објавен на нејзиниот албум Let’s Talk About Love, песната стана една од најпознатите песни во историјата на радио и телевизија и една од најпродаваните со 18 милиони примероци.
Благодарение на овој хит, Селин Дион освои Оскар, Златен глобус и четири Греми.
