Вториот светски рекет Новак Ѓоковиќ, кој се уште настапува на Олимписките игри во Париз, нема да учествува на турнирот Мастерс 1000 во Монтреал (од 6 до 12 август, објавија во понеделник организаторите на турнирот.
„Иако сме разочарани што Новак нема да може да учествува на турнирот оваа година, ја разбираме неговата одлука и му посакуваме се најдобро на Олимпијадата и во остатокот од сезоната“, изјави директорот на турнирот Валери Тетре.
Вториот светски играч во понеделникот се пласираше во третото коло на тенискиот турнир на Олимписките игри што се игра во Ролан Гарос, победувајќи го еден од најголемите ривали, Шпанецот Рафаел Надал со 6-1, 6-4.
Ѓоковиќ четири пати го освојуваше турнирот во Канада, но таму не играше од 2018 година.
