Посвоениот син на Анџелина Џоли, Пакс, бил хоспитализиран по сообраќајка што ја доживеал со неговиот електричен велосипед во Лос Анџелес. Пакс имал повреда на главата, но бил во стабилна состојба.
Според TMZ, тој возел електричен велосипед, кога удрил во автомобил и си ја повредил главата бидејќи не носел шлем. Возачот на автомобилот во којшто удрил Пакс веднаш излегол да му помогне. Пакс се пожалил на болка во колкот, а имал и видна повреда на главата.
Наводно, лекарите биле загрижени дека има крвавење во мозокот. Нема детали со какви повреди се здобил. Единствено се знае дека состојбата му била стабилизирана и најверојатно бил пуштен дома синоќа.
