Светските музички ѕвезди Селин Дион и Леди Гага ќе настапат денеска на свеченото отворање на Олимписките игри 2024 година во Париз.
Како што пишува „Индепендент“, повикувајќи се на новинарот Тиери Монро, Дион и Леди Гага ја вежбале песната на Едит Пјаф „La Vie en rose“ во дует.
Забележано е дека Дион ќе се појави на сцената за првпат од 2022 година, кога ја откажа светската турнеја и објави дека и бил дијагностициран синдром на вкочанет мускул.
Конкретни детали за настапот на Дион се чуваат во тајност. Претставниците на Дион не одговорија веднаш на барањето на „Вариети“ за коментар.
Церемонијата на отворање ќе се одржи во облик на наутичка парада покрај Сена, која ќе кулминира во близина на Трокадеро, свртена кон Ајфеловата кула. За првпат во историјата на Олимписките игри, церемонијата ќе се одржи надвор од стадион, ќе ги прикаже легендарните локации на Париз и ќе собере 3.500 актери, танчари и музички изведувачи.
Парадата на спортистите ќе се одржи на чамци по патеката долга 6 километри.
Шоуто, парадата на учесниците и официјалниот дел ќе започнат во 19:30 часот.
