Уште 4 денови трае рокот за поднесување даночни пријави по основ данок на додадена вредност (ДДВ), потсетуваат од управата за јавни приходи.
Оттаму информираат дека повеќе од половина од даночните обврзници уште не поднеле ДДВ пријава, а секое задоцнето поднесување или неподнесување на оваа пријава во законскиот рок повлекува и пропишана глоба.
Пријави за ДДВ треба да поднесат вкупно 40.509 обврзници. според податоците на УЈП досега оваа пријава ја поднеле 19.030 обврзници, а останатите 21.479 немаат поднесени пријави.
УЈП уште на почетокот на месецов информираше и апелираше за навремено поднесување на ДДВ-04 пријава.
Даночни пријави за овој данок се поднесуваат до 25 јули.
