Во повеќе градови во Украина денеска се забележани температури до 36 степени Целзиусови, а топлотниот бран дополнително ја загрози енергетската инфраструктура која е цел на руските напади, што доведе до прекин на електричната енергија.
Украинската метеоролошка служба денеска во Киев и поширокото подрачје забележа 36 степени Целзиусови. Толку висока температура во украинската престолнина последен пат е регистрирана во 1931 година.
Температурата е висока и во некои градови во централна и јужна Украина.
Поради лошата состојба на енергетската инфраструктура воведени се рестрикции за електрична енергија, а надлежните изјавија дека се работи на увоз на струја.
Во јуни, украинските власти побараа да се исклучи климатизацијата во јавните згради и да се ограничи јавното осветлување за да се намали притисокот врз електричната мрежа.
