Српската манекенка и актерка Нина Сеничар го доби второто дете со сопругот, актерот Џеј Елис, кој глумеше во филмот „Топ Ган: Маверик“.
Сеничар на својот профил на Инстаграм објави фотографија на која заедно со сопругот и ќерката го држат за нозете новородениот син.
„Леле, имаме син“, напиша убавата Србинка и откри дека момчето се родило на 11 јули.
Двојката го нарече својот син Ноа Греј Елис, а веќе ја имаат ќерката Нора Грејс Елис, која ја добија во 2019 година. Сеничар и Елис се венчаа пред две години во Италија, а пред тоа беа во врска седум години. Нивната прва средба се случила случајно во еден бар во Лос Анџелес.
– Јас го поканив на вечера, го однесов на вечера и јас ја платив. Имав друга идеја како тоа ќе се развие, но не се разви така. Од причина што тој имаше некоја сосема друга идеја во главата. Ако го прашате него, тој ќе каже дека кога ме видел, си рекол себеси дека ќе се ожени со мене. Како што реков, јас имав сосема друга идеја во главата. Мислев дека тоа ќе биде нешто со пократок рок, а се испостави дека тоа ќе биде човекот на мојот живот – рекла таа во едно интервју.
Во јули 2022 година, тие се венчаа на свадба од бајките во Тоскана, а на церемонијата, која ја пренесоа светските медиуми, присуствуваа околу 190 гости. Престижниот магазин „Вог“ ја рангираше нивната венчавка меѓу 10-те најубави за таа година.
– На самиот почеток на вечерата ги замолив сите гости да се напијат по една чаша ракија. Тоа е познат српски пијалак кој е во нашата традиција стотици години – рекла тогаш Нина за „Вог“.
Инаку, Нина ја започна својата кариера како водителка на италијанската телевизија, по што работеше и како модел, а во 2010 година учествуваше во реалното шоу „Островот на славните“ кое се прикажуваше во Италија. По шоуто, таа се посвети на актерството, а зад себе има неколку улоги во филмовите како „Најубавата“ и „Доунхил од Блис“.
