Управата за јавни приходи информира дека денеска во периодот од 7.40 до 11.30 часот системите за електронски услуги не беа достапни за корисниците.
Причина за ова, како што соопштија оттаму, е опожарувањето на оптички кабел кај телекомуникацискиот операторот кој обезбедува услуга за интернет симетричен пристап на УЈП.
Овој технички проблем е надминат и системите на УЈП се достапни за корисниците.
Денеска беа опожарени оптички кабли на повеќе телекомуникациски оператори во земјава, па дел од корисниците немаа интернет.
