Црн женски паричник, чија земја на потекло е Кина, што се продава во продавниците на познатиот трговски ланец Пепко,е повлечен од пазарот во Србија поради хемиски ризик.
Како што се наведува на порталот на системот за алармирање на српското Министерство за внатрешна и надворешна трговија (NEPRO), производот содржи прекумерна количина бис (2-етилхексил) фталат (DEHP) (мерена вредност до 0,3 проценти по тежина).
„Овој фталат може да му наштети на човековото здравје предизвикувајќи можна штета на репродуктивниот систем. Производот не е во согласност со Регулативата REACH“ – се додава на порталот NEPRO.
