Заменик-претседателот на рускиот Совет за интеграција, Дмитриј Медведев, кој е еден од најблиските сојузници на Владимир Путин, уште еднаш им се закани на Украина и на Западот.
Во објава на социјалните мрежи, Медведев на англиски ги цитираше заклучоците на НАТО на самитот во Вашингтон, кои го потврдија продолжувањето на поддршката за Украина и нејзиниот пат кон идното членство во алијансата.
„Заклучокот е очигледен. Мораме да сториме сè за „неповратниот пат“ на Украина кон НАТО да заврши или со исчезнување на Украина или со исчезнување на НАТО. Или уште подобро, со исчезнување на двете – напиша Медведев.
Медведев, кој за време на неговиот претседателски мандат во периодот 2008-2012 година се сметаше за посредник кон Западот, од почетокот на војната во Украина стана еден од највоинствените руски функционери.
Тој повеќепати ги предупреди американските и европските сојузници дека нивното вооружување на Киев може да доведе до „нуклеарна апокалипса“.
