Попладнево во Егејското Море е спасен маж од српска националност! Патниците на „Супер експрес“ биле изненадени кога виделе црвен чамец во разбрануваното море во областа меѓу Тинос и Миконос.
Маж од српска националност, кој има околу 40 години, сам се возел во десетметарски чамец кој претходно потонал. Сепак, тој успеал пред бродоломот да испрати СОС порака на капетанијата на пристаништето, која потоа го алармирала бродот „Супер експрес“ кој пловел од Миконос кон Тинос и Рафина.
Капетанот на бродот правел соодветни маневри, кои не биле лесни бидејќи во теснецот меѓу островите дувал ветер со брзина и до 50 километри на час, но екипажот успеал да го спаси човекот.
Србинот е во добра здравствена состојба и е префрлен во пристаништето во Рафина.
