Познатиот австралиски тенисер Ник Кирјос поради повреда не учествува на овогодинешниот Вимблдон, но тоа ме го спречува да коментира. Тој вчера го коментираше мечот меѓу Камерон Нори и Џек Дрејпер, а во таа прилика го допре српскиот ас Новак Ѓоковиќ, а неговата изјава насмеа многумина.
– Новак, ако го слушаш ова, сепак, не ми се допаѓаш. На Карлос му даде една година, а мене не – рече Кирјос, алудирајќи на тоа дека Ѓоковиќ му дозволи на Алкараз да го победи во финалето минатата година:
– Сè уште е еден од најдобрите натпревари што сум ги гледал. Еден од единствените од почеток до крај.
Инаку, Новак Ѓоковиќ долги години постојано беше на удар на Кирјос. Но, сè се промени во 2022 година кога на Новак му беше забранет влез во Австралија и учество на Австралија опен. Тогаш Кирјос меѓу оние кои најгласно го поддржаа Ѓоковиќ.
