Екипа на Итната помош, заедно со пациент се заглавила во лифт во зграда во населбата Кисела Вода во Скопје.
Од ЦУК информираат дека заглавените побарале помош од 112 и дека се известени сите надлежни за спасување.
– Во 11:22 часот на 112 во ЦУК добивме пријава за заглавена екипа на Итната медицинска помош од Скопје заедно со пациент, во лифт во подрумски дел од зграда на ул. Христо Татарчев бр.47, Кисела Вода, Скопје. Од страна на ЦУК итно се известени БППЗ Скопје и СВР Скопје – информираат од Центарот.
