Турскиот министер за здравство Фахретин Коџа денеска изјави дека околу 16.000 луѓе ширум Турција се повредени за време на колењето на жртвените животни за време на исламскиот празник Курбан Бајрам.
Тој на мрежата „Х“ напиша дека 1.274 лица се пријавиле во медицинските установи во Анкара, 840 во Истанбул и 416 во Измир поради повреди здобиени при колење животни за жртвувањето за празникот.
Коча изјави дека овие повреди настанале затоа што „животните не се колат од професионалци“.
– Ги советуваме граѓаните да внимаваат на ова. Приближно 16.000 луѓе од првиот ден нема да можат да уживаат во празникот колку што сакаат – предупреди Коча.
Одбележувањето на четиридневниот исламски празник Курбан Бајрам започна вчера.
