Се чини дека руските сили напредуваат кон нивната долгогодишна цел да го заземат стратешкиот украински град Часив Јар, според вчерашните извештаи од двете завојувани страни.
Часив Јар се наоѓа на рид на околу 20 километри западно од Бахмут, град кој беше заземен од руските сили пред една година. Двете страни го гледаат како потенцијална почетна точка за рускиот напредок кон клучните градови Краматорск и Словјанск.
„Украинска правда“ цитира воен извор и блогер дека руските сили започнале со окупација на делот од градот покрај каналот. Тој вели:
– Имаше повеќе од 1.500 различни типови бомбардирања во текот на изминатата недела, од северниот до јужниот дел на предградието Часив Јар. (Русите) уништуваат многу позиции користејќи Солнцепек (ракетно лансирање со повеќе цевки ( MBRL) системи) и водени воздушни бомби за да се обезбеди логистика долж патот О0506 (патот од Бахмут до Часив Јар преку населбата Хромове). Почнаа да напредуваат и да собираат (војска) под заштитата на дронови кои можат да снимаат од перспектива на човек. Центарот на градот е целосно наш.
Руските јуришни трупи продолжуваат да ја расчистуваат областа на каналот, објави руската 98-ма падобранска дивизија на Телеграм.
Снимките објавени од двете страни покажува како војници се пробиваат низ речиси уништените области на урбаниот центар и ги проверуваат зградите.
Претседателот Володимир Зеленски не го спомна Часив Јар во своето ноќно видео обраќање, но рече дека најтешкиот сектор за одбрана е областа околу градот Покровско на југозапад.
Познатиот Институт за проучување на војната(ИСВ) од Вашингтон анализира дека Русите во моментот целат на Часив Јар и на градот Вовчанск.
